தமிழ் சினிமாவில் பல படங்களில் சூப்பர் ஹிட் பாடல்களை பாடிய பிரபலங்களில் ஒருவர் பாடகர் வேல் முருகன். இவர் தமிழில் பாடிய கிராமிய பாடல்கள் அனைத்தும் ஹிட்.
இது தவிர விஜய்டிவியில் பல கச்சேரிகளில் பாடியும், சில நிகழ்ச்சிகளிலும் பங்கேற்றுள்ளார். பிக்பாஸ் சீசன் 4ல் போட்டியிட்டு ரசிகர்களை கவர்ந்தார்.
தமிழ் திரைப்பட பாடகிகளில் ஒருவருமான பாடகர் வேல்முருகனின் மகளான ரக்ஷனா, சமீபத்தில் கின்னஸ் சாதனை படைத்துள்ளார். ஒரே நிமிடத்தில் 51 பல்கலைக்கழக சின்னங்களை அடையாளம் கண்டு கின்னஸ் சாதனை புத்தகத்தில் இடம்பிடித்துள்ளார் ரக்ஷனா.
பாடகர் வேல்முருகனின் மகள் கின்னஸ் சாதனை படைத்த வேல்முருகனின் குடும்பத்தினருக்கு வாழ்த்து தெரிவிக்க தமிழக முதல்வர் மு.க.ஸ்டாலின் சமீபத்தில் அழைப்பு விடுத்திருந்தார்.
சென்னை தலைமைச் செயலகத்தில் முதல்வர் மு.க.ஸ்டாலினை ரக்ஷனா வேல்முருகன் சந்தித்து வாழ்த்து பெற்றார். அப்போது, வேல்முருகன் மனைவி கலா மற்றும் இளைய மகள் உடன் இருந்தனர்.
கடந்த 13 ஆண்டுகளாக பல ஹிட் பாடல்களை பாடி, பல நிகழ்ச்சியில் பங்கேற்ற முதல் நாட்டுப்புற பாடகர் என்ற பெருமையை பெற்ற பிரபல நாட்டுப்புற மற்றும் திரைப்பட பாடகர் வேல்முருகன். கலைமாமணி உள்ளிட்ட பல்வேறு விருதுகளை வென்றவர் வேல்முருகன். கூடுதலாக, அவர் 5,000 நாட்டுப்புற கலைஞர்களுடன் கின்னஸ் உலக சாதனை படைத்துள்ளார்.
பாடகர் திரு. வேல்முருகன் அவர்களின் மகள் செல்வி ரக்ஷனா வேல்முருகன், ஒரு நிமிடத்தில் 51 பல்கலைக்கழகத்தின் சின்னங்களை அடையாளம் கண்டு கின்னஸ் உலக சாதனை படைத்தமைக்காக மாண்புமிகு முதலமைச்சர் @mkstalin அவர்களை சந்தித்து வாழ்த்து பெற்றார். pic.twitter.com/UtDqooeT11
— CMOTamilNadu (@CMOTamilnadu) April 12, 2022