தெலுங்கு திரைப்பட இயக்குநர் அனில் ரவிப்புடி இயக்கத்தில் வெளியான பகவந்த் கேசரி திரைப்படம் ரசிகர்களிடையே நல்ல வரவேற்பைப் பெற்றது. குறிப்பாக குடும்ப உறவுகள், உணர்வுப்பூர்வமான காட்சிகள் மற்றும் ஆக்ஷன் அம்சங்கள் கலந்த திரைக்கதைக்காக இந்த படம் கவனம் ஈர்த்தது.
இந்தப் படத்தை பார்த்த நடிகர் விஜய், இயக்குநர் அனில் ரவிப்புடியை நேரடியாக தொடர்புகொண்டு தனது பாராட்டுகளை தெரிவித்ததாக அவர் சமீபத்திய பேட்டியில் பகிர்ந்துள்ளார். படம் முழுவதையும் ரசித்ததாகவும், அதன் உணர்வுபூர்வமான காட்சிகள் மற்றும் திரைக்கதை அமைப்பு தன்னை கவர்ந்ததாகவும் விஜய் கூறியதாக அனில் ரவிப்புடி தெரிவித்துள்ளார்.
மேலும், ஒரு திரைப்படத்தை பாராட்ட வேண்டும் என்று தோன்றினால் அதை நேரடியாக சம்பந்தப்பட்டவர்களிடம் தெரிவிக்கும் பழக்கம் விஜய்க்கு இருப்பதாகவும், அந்த அழைப்பு தனது படைப்புக்குக் கிடைத்த மிகப்பெரிய அங்கீகாரங்களில் ஒன்றாக அமைந்ததாகவும் அனில் ரவிப்புடி குறிப்பிட்டார்.
அனில் ரவிப்புடியின் இந்தப் பகிர்வு சமூக வலைதளங்களில் ரசிகர்களின் கவனத்தை ஈர்த்துள்ளது. திரையுலகில் சக கலைஞர்களின் முயற்சிகளை பாராட்டும் விஜயின் பண்பு குறித்து ரசிகர்கள் நேர்மறையான கருத்துகளை பதிவிட்டு வருகின்றனர்.
