சென்னை பெரம்பூர் சட்டப்பேரவைத் தொகுதியில் அமைக்கப்பட்டுள்ள எம்.எல்.ஏ. அலுவலகத்தை முதல் அமைச்சர் விஜய் இன்று திறந்து வைக்கிறார். தொகுதி மக்களின் கோரிக்கைகள் மற்றும் குறைகளை நேரடியாகக் கேட்டு, அவற்றை விரைந்து தீர்க்கும் நோக்கில் இந்த அலுவலகம் செயல்பட உள்ளது.
அலுவலக திறப்பு விழாவைத் தொடர்ந்து, பெரம்பூர் தொகுதி மக்களை முதல் அமைச்சர் விஜய் நேரில் சந்தித்து மனுக்களைப் பெறுகிறார். குடிநீர், சாலை, மழைநீர் வடிகால், சுகாதாரம் உள்ளிட்ட அடிப்படை வசதிகள் தொடர்பாக மக்கள் முன்வைக்கும் கோரிக்கைகள் குறித்து அதிகாரிகளுடன் ஆலோசனை நடத்தவும் திட்டமிடப்பட்டுள்ளது.
தொகுதி மக்களுக்கு அரசு சேவைகள் எளிதாக கிடைக்கும் வகையில், பல்வேறு நிர்வாக வசதிகளுடன் இந்த அலுவலகம் வடிவமைக்கப்பட்டுள்ளதாக கூறப்படுகிறது. மக்கள் மற்றும் நிர்வாகம் இடையேயான தொடர்பை மேலும் வலுப்படுத்தும் முயற்சியாக இந்த அலுவலகம் செயல்படும் என எதிர்பார்க்கப்படுகிறது.
பெரம்பூர் தொகுதியில் முதல் அமைச்சர் விஜயின் இந்த நேரடி மக்கள் சந்திப்பு, பொதுமக்களின் தேவைகளை உடனுக்குடன் அறிந்து நடவடிக்கை எடுக்கும் நிர்வாக அணுகுமுறையின் ஒரு பகுதியாக பார்க்கப்படுகிறது.
